top of page

Zei ruangah dah kan i lawm lai ?


Bawipa kan caah attha tuk! Filipi chungah “i lawm zungzal ko u” akan ti.

Bawipa kan caah a tthat tuk ruangah kan i lawm lai. 

Kan tawnmi thil kip hi ruat ciammam loah cun Bawipa dawtnak theih khawh le tep khawh asi lo. Cucaah a thar in cun tep tti hna usih!  

Tuzing ni ceu dawh te an phakter tthan tu le thli thar te kan nunnak caah a kan dawpter tu hi kan i fiang taktak ma? Mah tuah khawh mi ah maw ruat sual lai cih! Bawipa asi hi mu.

Kan nun rih i kan dam hi Bawipa thawng asi.

Chungkhar tling tein khua kan sak kho hi Bawipa thawng asi.

Rian ttha tein kan ttuan khawh hi Bawipa thawng asi.

Sianginn tluang tlam tein kan kai khawh hi Bawipa thawng asi.

Inn ttha ttha le Motor ttha US ram ah kan i cit khawh hi Bawipa thawng asi. Khua sik caan ah heat a lummi kan i chuah khawh! A lum tuk can ah akik kan i chuah khawh! Na ruat taktak bal ma?? Mah vialte thluachuah hi.

Inn khan ttha ttha le ihpah tthattha ah kan it kho, rawl thawthaw kan ei kho hna, kan ram ah kan ei kho hna ma? Mah vialte hi a ho ruangah asi? Bawipa ruangah asi kolo ma?

Chim cawk khi asi lo, i nan rel cawk fawn lai lo. Mah vialte a kan petu Pathian hi kan lawmh hna lai lo ma? Thlarau mi vun auh tthan hna usih law Bawipa na ca kaca atthat nak, inn chungkhar ca cio ah atthat nak le kan Khrifabu caah atthat nak hi vun rel cio tthan tuah hna usih! 

Aho dah lawmh loin aum kho hnga, a dam ko mi nih cun lwmh lo awk attha lo Haleluijah! Bawipa min thang that si ko seh!

Bawipa nih reltu vialte nunnak cioah lawmhnak nun kn ngei khawh i a thluachuah rel khawh tthannak thazang kan pek piak hram ko seh.

Amen.

Dawtkhunsung pa.


57 views0 comments

Recent Posts

See All

Commenti


bottom of page