top of page

Thawngttha Bia Tawi


Thawngttha bia tawi kan hrawm hna:

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

Minung hi vawlei ah kan um tikah hin le khua kan sak hna tikah, kan duh bik mi cu kan duh atlin khawh hi asi. 

Nain kanmah minung hna nih hin zei tin dah kan duh atlin khawh lai tiin heh tiah kanmah tikhawh tawk cio in kan cawl cio hna, kan tuak tan cio hna, heh tiah kan ttuan cio hna, Nain kan duh cu a tling kho hlei lo. 

Phundang chim ah cun heh tiah Overtime kan ttuan hna, rian ttha kan ttuan kan ti, rian hnih hna kan ttuan nain kan duh atling kho ngaingai hna lo, kan ba tuk kan ti hna, kan mit ku acim lo kan ti, phun tam piin kanmah le tikhawh tawk in kan cawl hna nain kan duh cu a tling kho ngaingai hna lo .

Cun kan lahkhah hi tam deuh vak sehlaw kan duh a tling bak cang lai kan ti hna i nazi pakhat ah $15 kan hmuh, $20 hmuh kan duh tthan, $20  kan hmuh bakin $30 hmuh kan duh tthan! Duh a tling kho taktak hlei lo, cucaah chungkhar hna i check cio tuah hna usih! Kanmah tein kan duh mihi tlinter khawh ngaingai asi lo zia hi i fiang cang hna usih law, Bawipa bochan lo hin kan um ngam bak lai lo i, Bawipa duh nak tuah hi i zuam loin kan um kho hrim lalo.

Rian ttha tampi kan ttuan hna, lahkhah tampi kan ei hna, kan duh atling kho hlei lo. Zei ruangah fak piin ruat cio tuah hna usih!

Mah Bible ca nih achim duh mi tampi lakah kanmah MCBC Khrifabu caah pakhat te lawng langhter ka duh mi aum, nangmah le keimah nih hin mission rian zong ram mui le ram dangah kal in kan ttuan kho men lai lo,  nain kan tha chiah hrim hla seh, Bawipa nih rian ttha taktak kanmah tuah khawh mite kan kut ah achiah mile pek mi aum ko hih, Cucu a tthan khawhnak le  thazang a tthawn chin lengmang nak lai kan ttuan ahau, Midang nih an ra lai i a tthanter lai lo, Bu dang nih an ra lai i an rak  ttuan lai lo, Bawipa nih nangmah le keimah kut bakah a MCBC Khrifabu te a hnin no khawh nak le atthawn chin lengmang khawh nak dingah rian khin mi kan si hna, mah hnu hin cun heh tiah thangthat cang hna usih! Nuamter hna usih, biakinn lei panh cang hna usih! Cucu kanmah caah duhtlinnak asi. Minung caah asi lai lo,Bawipa caah asi lai. A sung luai tuk mi rian asi e. Haleluijah! Amen.

Bawipa duh nak theih le tuah cu kanmah caah thluachuahnak innka pi asi i, kan duhnak atlinnak  innka thawh fung awn he aa lo.

Bawipa nih sunparnak co dih ko seh! Amen.

Dks pa.

117 views0 comments

Recent Posts

See All
bottom of page